شام کے شہر کوبانی میں کرفیو نافذ، سیکیورٹی حکام کا شہریوں کو گھروں تک محدود رہنے کا حکم

دمشق (ڈیلی اردو) شام کے صوبہ حلب کی داخلی سیکیورٹی قیادت نے شہر عین العرب، جسے کوبانی بھی کہا جاتا ہے، میں غیر معینہ مدت کے لیے کرفیو نافذ کردیا ہے۔

سیکیورٹی حکام کے مطابق یہ فیصلہ شہریوں کے تحفظ اور علاقے میں امن و امان کی صورتحال برقرار رکھنے کے پیش نظر کیا گیا ہے۔ کرفیو کا اطلاق پیر اور منگل کی درمیانی شب سے کیا گیا اور اسے آئندہ حکم تک جاری رکھنے کا اعلان کیا گیا ہے۔

حکام نے شہریوں سے اپیل کی ہے کہ وہ کرفیو کے دوران گھروں سے باہر نکلنے سے گریز کریں اور سیکیورٹی اداروں کی جانب سے جاری کردہ ہدایات پر عمل کریں۔

داخلی سیکیورٹی قیادت نے شہریوں سے قانون نافذ کرنے والے اہلکاروں کے ساتھ تعاون کرنے کی بھی درخواست کی ہے۔