شمالی وزیرستان میں سیکورٹی فورسز کے آپریشن میں 3 دہشت گرد ہلاک

راولپنڈی (ک م) صوبہ خیبر پختونخوا کے قبائلی ضلع شمالی وزیرستان کے علاقے رزمک میں سیکیورٹی اہلکاروں اور دہشت گردوں کے رمیان ایک اور جھڑپ ہوئی، فائرنگ کے تبادلے میں مزید 3 دہشت گردوں کو ہلاک کردیا گیا۔

Three alleged TTP militants killed in a security op in Razmak, North Waziristan. #Pakistan https://t.co/7PqxcnLBxu

— FJ (@Natsecjeff) June 30, 2023

پاکستانی فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے رزمک میں خفیہ اطلاعات کی بنیاد پر آپریشن کیا گیا، اس دوران دونوں جانب سے شدید فائرنگ کی گئی۔

فائرنگ کے تبادلے میں 3 دہشت گردوں کو ہلاک کردیا گیا۔ ہلاک دہشت گردوں کے قبضے سے ہتھیار اور گولیاں برآمد ہوئی ہیں۔

آئی ایس پی آر کے مطابق ہلاک ہونے والے دہشت گرد سیکیورٹی فورسز اور شہریوں کے قتل عام میں ملوث تھے۔

آئی ایس پی آر کا کہنا ہے کہ علاقہ مکینوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کے عزم کا اظہار کیا۔