شمالی وزیرستان میں سیکورٹی فورسز کے قافلے پر خودکش حملہ، 4 اہلکار ہلاک، 20 سے زائد زخمی

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سیکورٹی فورسز کے قافلے پر خودکش حملے میں 4 اہلکار ہلاک اور 20 سے زائد زخمی ہوگئے۔

https://twitter.com/ShabbirTuri/status/1624410552679436288?t=UbCm1JIJiHf7cxdWBAC_Jw&s=19

ذرائع کے مطابق شمالی وزیرستان میں رکشہ سوار خودکش بمبار کے حملے میں کم از کم 4 اہلکار اور 20 زخمی ہوگئے، کئی زخمیوں کی حالت تشویشناک ہے۔

ذرائع کا کہنا ہے کہ خودکش بمبار نے پیٹرولیم کمپنی کے عملے کو لے جانیوالی گاڑیوں کو نشانہ بنایا۔

ذرائع کے مطابق دھماکے کی اطلاع ملنے کے بعد امدادی ٹیمیں اور فورسز کی نفری بھی جائے وقوعہ پر روانہ کردی گئی ہے۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔