شمالی وزیرستان میں نامعلوم افراد کی فائرنگ سے ایک شخص ہلاک، 2 زخمی

میرانشاہ (ڈیلی اردو) صوبہ خیبر پختونخوا کے قبائلی ضلع شمالی وزیر ستان میں نامعلوم افراد کی فائرنگ کے نتیجے میں ایک شخص ہلاک اور دو زخمی ہوگئے۔

شمالی وزیرستان کی تحصیل زرمک میں محمد انور مسجد کے قریب نامعلوم مسلح افراد کی فائرنگ سے ملک نسیم نامی شخص ہلاک جبکہ میر بادشاہ اور شاندار خان زخمی ہوگئے۔#Razmak #NorthWaziristan #Pakistan

— Shabbir Hussain Turi (@ShabbirTuri) July 2, 2023

پولیس حکام کے مطابق تحصیل تحصیل زرمک میں محمد انور مسجد کے قریب نامعلوم افراد کی فائرنگ کے نتیجے میں ایک شخص ہلاک جبکہ 2 افراد زخمی ہوگئے۔

پولیس نے بتایا کہ فائرنگ کے نتیجے میں ہلاک ہونے والے شخص کی شناخت ملک نسیم ولد ملک محمد انور کے نام سے ہوئی ہے جبکہ زخمی افراد میں میر بادشاہ ولد بخان کائی اور شاندار خان ولد گل شاداراز شامل ہیں۔

پولیس نے مزید بتایا کہ لاش اور زخمیوں کو رزمک ہسپتال منتقل کر کے واقعے کی تحقیقات کا آغاز کر دیا گیا۔