فرانس میں پادری پر نابالغ بچے کے ساتھ زیادتی پر فرد جرم عائد

پیرس (ڈیلی اردو) فرانس کے درالحکومت پیرس میں ایک پادری پر نابالغ بچے کے ساتھ بدفعلی کے الزام میں فرد جرم عائد کردی گئی۔

برٹنی کے بروسیلیانڈ میں سینٹ لوئس میری کے چرچ میں مذہبی ذمہ داری انجام دینے والے پادری پر شبہ ہے کہ اس نے 3 نومبر کو 15 سالہ لڑکے کو نشہ آور مشروب پلا کر پیرس کے ایک ہوٹل میں اس کے ساتھ بدفعلی کی جبکہ اس سے پہلے وہ ڈیٹنگ کی درخواست پر ملا تھا۔

نابالغ لڑکے کی طبیعت خراب ہونے پر اس نے اپنے دوستوں کو فون کیا جنہوں نے ایمرجنسی سروسز سے رابطہ کیا۔ ذرائع کے مطابق 51 سالہ پادری نے پولیس کو بتایا کہ وہ نہیں جانتا تھا کہ بچہ نابالغ ہے۔

اب اسے ریمانڈ پر جیل بھیج دیا گیا ہے۔ رینس کے آرچ بشپ، پیئر ڈی اورنیلاس نے جمعرات کو اعلان کیا کہ اس نے روم میں کیتھولک چرچ کے حکام کو اس معاملے کی اطلاع کردی ہے اور وہ فرانسیسی حکام کے ساتھ تعاون کریں گے۔