قبائلی ضلع باجوڑ میں ریموٹ کنٹرول بم دھماکا، 2 بھائی ہلاک

خار (ڈیلی اردو) صوبہ خیبرپختونخوا کے قبائلی ضلع باجوڑ میں ایک دھماکے میں دو بھائی ہلاک ہوگئے۔

#Pakistan: A vehicle carrying sand for a checkpost of security forces was targeted in an IED attack in the Tir Bandagai area of Bajaur district. One person has been killed, and another suffered injuries in the blast. https://t.co/r4PmG4onOz

— ???? (@cozyduke_apt29) June 3, 2023

ڈپٹی سپرنٹنڈنٹ آف پولیس (ڈی ایس پی) ستار خان نے بتایا کہ تحصیل وڑ ماموند کے علاقے تیر بانڈگئی روڈ پر گاڑی پر ریموٹ کنٹرول بم دھماکا ہوا۔

انہوں نے کہا کہ دھماکے کے نتیجے میں گاڑی کا ڈرائیور شیر ولی موقع پر دم توڑ گیا جبکہ گاڑی کا ٹھیکہ دار گل اعظم زخمی ہوا۔

ڈی ایس پی باجوڑ ستار خان نے کہا کہ مذکورہ گاڑی سیکیورٹی چیک پوسٹ کے لیے ریت لے جارہی تھی۔

انہوں نے بتایا کہ دھماکے میں زخمی اور ڈرائیور کے لاش کو ڈسٹرکٹ ہیڈکوارٹرز ہسپتال باجوڑ منتقل کردیا گیا ہے جہاں زخمی ٹھیکے دار بھی دم توڑ گئے۔

مقامی صحافی بلال یاسع کا کہنا ہے کہ دھماکے میں ہلاک ہونے والے دونوں بھائی تھے۔ اور انکا تعلق تعلق ناوگئی سے تھا۔

دھماکے کے بعد پولیس اور سیکیورٹی فورسز نے علاقے کو گھیرے میں لے کر ملزمان کی تلاش شروع کر دی ہے۔

آخری اطلاعات تک کوئی گرفتاری عمل میں نہیں آ سکی ہے اور نہ ہی کسی تنظیم نے اس واقعہ کی ذمہ داری قبول کی ہے۔