قطر: کابل سے اُڑنے والے امریکی طیارے کے پہیوں سے انسانی اعضاء برآمد، تحقیقات شروع

دوحہ (ڈیلی اردو) امریکی فضائیہ نے کابل کے حامد کرزئی انٹرنیشنل ائیرپورٹ سے شہریوں کے انخلاء کے موقع پر ہونے والی افرا تفری کے بعد انکشاف کیا ہے کہ فوجی طیارے کے بعض بیرونی حصوں سے انسانی اعضاء بھی ملے ہیں۔

عالمی خبر رساں ادارے رائٹرز کی رپورٹ کے مطابق امریکی فضائیہ کا کہنا ہے کہ حامد کرزئی انٹرنیشنل ائیرپورٹ سے روانہ ہونے والے سی 17 کے لینڈنگ گیئر اور پہیے کے اطراف سے انسانی اعضاء ملے جس کی تحقیقات کی جارہی ہیں۔

روئٹرز کے مطابق رواں ہفتے کے شروع میں سوشل میڈیا پر گردش کرتی تصاویر میں کابل چھوڑنے کے لیے بے تاب افغان شہریوں کو سی-17 طیارے کی طرف بھاگتے اور اس کے ساتھ لپٹتے ہوئے دیکھا گیا۔

https://twitter.com/AsvakaNews/status/1427202927383379973?s=19

ایک ایسی ویڈیو بھی سامنے آئی جس میں تین افراد کابل سے اڑان بھرنے والے اس فوجی طیارے سے گرتے ہوئے دکھائی دے رہے تھے۔

https://twitter.com/AsvakaNews/status/1427181300054515730?s=19

امریکی فضائیہ نے ایک بیان میں کہا ہے کہ ’ایک C-17 طیارہ پیر کے روز کابل ایئرپورٹ پر اترا اور اس کے اردگرد سینکڑوں افغان شہری تھے۔ اطراف میں تیزی سے بگڑتی ہوئی سکیورٹی صورت حال کے باعث C-17 کے عملے نے جلد سے جلد ایئر فیلڈ چھوڑنے کا فیصلہ کیا۔‘

طالبان کے کابل میں داخلے کے بعد کئی شہری ائیرپورٹ پر کابل کو چھوڑنے کی غرض سے جمع ہوئے تھے اور اس موقع پر تین افراد امریکی فوجی طیارے C-17 سے لٹک گئے۔

امریکی فضائیہ نے فوجی طیارے سے لٹک کر افغانستان چھوڑنے کی کوشش میں افغان شہریوں کے گر کر ہلاک ہونے کی بھی تحقیقات شروع کردی ہیں۔

امریکی فضائیہ کی ترجمان نے بتایا کہ تفتیش کار افغان شہریوں کے جہاز سے گرنے کی ویڈیو سمیت سوشل میڈیا پر جاری ویڈیوز اور پوسٹس کا جائزہ لیں گے جب کہ قطر میں لینڈنگ کے بعد جہاز کے وہیل سے نکلنے والی لاش کا معاملہ بھی دیکھیں گے۔

Evacuation flights resume at Kabul airport after the Taliban took over Afghanistan's government — in pictures https://t.co/HZoNaaM4mo pic.twitter.com/9uv4QsEeVx

— Al Jazeera English (@AJEnglish) August 17, 2021