قطر کا اسرائیل پر حماس کے ساتھ امن ’معاہدے میں تاخیر‘ کرنے کا الزام

دوحہ (ڈیلی اردو/بی بی سی) قطر کی وزارتِ خارجہ کا کہنا ہے کہ اسرائیل اور حماس کے درمیان مجوزہ معاہدہ ’میز پر موجود ہے‘ تاہم اس کا جواب دینا۔۔۔ یا نہ دینا اسرائیل پر منحصر ہے۔‘

منگل کو ہفتہ وار بریفنگ کے دوران قطری وزارتِ خارجہ کے ترجمان ڈاکٹر ماجد الانصاری کا کہنا تھا کہ دوحہ سے مذاکرات کو کہیں اور منتقل کرنے کی باتیں اسرائیل کے ’پینترے ہیں جس کا مقصد معاہدے میں تاخیر کرنا ہے۔‘

’میں نہیں سمجھتا کہ بین الاقوامی برادری احمق ہے، ہمیں معلوم ہے کہ ان پینتروں کا مطلب کیا ہے۔‘

ڈاکٹر ماجد انصاری کا مزید کہنا تھا کہ ’ابھی سب سے اہم چیز یہ ہے کہ اسرائیلیوں کو مجوزہ معاہدے کا جواب دینا ہوگا۔‘

’ماضی میں وہ اس (مجوزہ معاہدے) پر رضامندی کا اظہار کر چکے ہیں اور اب اس سے مُکر گئے ہیں۔‘