لاہور: سی آئی اے پولیس کا 14 اُجرتی قاتل گرفتار کرنے کا دعویٰ

لاہور (ڈیلی اردو) پنجاب میں پولیس کی کرائم انویسٹیگیشن ایجنسی (سی آئی اے) کا دعویٰ ہے کہ لاہور کے مختلف علاقوں میں کریک ڈاؤن کرکے چودہ اُجرتی قاتل کو گرفتار کرلیا ہے۔

ایس ایس پی سی آئی اے شعیب خرم کے مطابق گرفتار ملزمان میں ذیشان، ذوہیب، رضوان، سرفراز، عمران لالو، جاوید بٹ، عبداللہ، طارق، خاور نیازی، بلال بٹ، عمیر بٹ اور عرفان شامل ہیں۔

ایس ایس پی نے بتایا کہ ملزمان بھاری اُجرت کے عوض شہریوں کو قتل اور زخمی کرتے تھے، تمام ملزمان قتل، اقدام قتل اور اغوا کی درجنوں وارداتوں میں مطلوب تھے جب کہ ان سے بھاری مقدار میں ناجائز اسلحہ برآمد کیا گیا ہے۔

ایس ایس پی کا کہنا تھا کہ ملزمان سے جرائم کروانے والوں کو بھی جلد گرفتار کر لیا جائے گا۔