لکی مروت اور ٹانک میں سیکورٹی فورسز کے آپریشنز، 9 شدت پسند ہلاک

راولپنڈی (ڈیلی اردو) پاکستان کے صوبہ خیبر پختونخوا کے دو اضلاع میں سیکیورٹی فورسز کے آپریشن میں نو شدت پسندوں کو ہلاک کیا گیا

پاکستانی فوج کا کہنا ہے کہ اس نے خیبر پختونخوا میں دو الگ الگ کارروائیوں میں نو شدت پسندوں کو ہلاک کیا گیا ہے۔

آئی ایس پی آر کی جانب سے جاری بیان کے مطابق شدت پسندوں کی موجودگی کی اطلاع پرسکیورٹی فورسز نے ٹانک ڈسٹرکٹ میں انٹیلی جنس پر مبنی آپریشن کیا۔

آپریشن کے دوران، اپنے فوجیوں نے شدت پسندوں کی موجودگی کے مقام پر مؤثر حملہ کیا اور شدید فائرنگ کے تبادلے کے بعد سات شدت پسندوں کو ہلاک کر دیا گیا۔

لکی مروت 

بیان کے مطابق ایک اور انٹیلی جنس پر مبنی آپریشن لکی مروت ضلع میں کیا گیا۔

جہاں فائرنگ کے تبادلے میں، دو مزید شدت پسندوں کو سکیورٹی فورسز نے ہلاک کیا۔

بیان کے مطابق یہ تمام ’یہ انڈین سرپرستی میں کام کرنے والے شدت پسند تھے اور ان سے بھی ہتھیار اور گولہ بارود برآمد ہوئے جو سکیورٹی فورسزاور قانون نافذ کرنے والے اداروں کے خلاف متعدد شدت پسند سرگرمیوں اور معصوم شہریوں کو ہدف بنا کر قتل کرنے میں سرگرم رہے۔‘

مزید ممکنہ شدت پسندوں کی موجودگی کے شبے میں سرچ آپریشن جاری ہیں۔