لکی مروت میں موٹر سائیکل سواروں کی فائرنگ سے ٹریفک پولیس کے دو اہلکار ہلاک

لکی مروت (ڈیلی اردو) صوبہ خیبر پختونخوا کے ضلع لکی مروت میں نامعلوم موٹر سائیکل سواروں کی فائرنگ سے ٹریفک پولیس کے دو اہلکار ہلاک ہوگئے۔

#Pakistan: A traffic cop was killed and another was injured by unknown armed individuals in the Pezo area of Lakki Marwat district. https://t.co/jJ3yvxdCZ7

— ???? (@cozyduke_apt29) March 7, 2024

یہ افسوسناک واقعہ لکی مروت میں درہ پیزو بازار میں ٹانک موڑ پر پیش آیا جہاں نامعلوم موٹر سائیکل سواروں نے فائرنگ کرکے ڈیوٹی پر مامور 2 ٹریفک پولیس اہلکاروں کو ہلاک کردیا۔

پولیس کے مطابق فائرنگ سے ٹریفک پولیس اہلکار حفیظ اللہ موقع پر دم توڑ گیا جبکہ دوسرا اہلکار کانسٹیبل زرم خان کو زخمی حالت میں ہسپتال منتقل کیا مگر وہ بھی جانبر نہ ہوسکا۔

موٹر سائیکل سوار ملزمان فائرنگ کرتے ہوئے موقع سے فرار ہونے میں کامیاب ہوگئے، لاشوں کو پوسٹمارٹم کیلئے ڈسٹرکٹ ہیڈکوارٹر ہسپتال لکی مروت منتقل کردیا گیا۔

پولیس کے مطابق فرار دہشت گردوں کی تلاش شروع کردی گئی ہے جب کہ واردات کی مختلف پہلوؤں سے تفتیش کی جا رہی ہے۔