محرم الحرام میں 15 روز کیلئے مخصوص شیعہ علما اور ذاکرین پر پابندی عائد

لاہو (ڈیلی اردو) پنجاب حکومت نے محرم الحرام میں امن و امان کی فضا کو برقرار رکھنے کیلیے علما کرام اور ذاکرین کے صوبے میں داخلے پر پابندی عائد کردی۔

محکمہ داخلہ پنجاب کی جانب سے جاری اعلامیے میں کہا گیا ہے کہ ملک بھر کے شعلہ بیان مقررین اور ذاکرین کے داخلے پر 15 روز کیلیے پابندی عائد کی گئی ہے۔ اس دوران اُن کے پنجاب میں قیام اور تقاریر پر مکمل پابندی ہوگی۔

محکمہ داخلہ کے مطابق صوبہ سندھ سے تقریبا پندرہ شعلہ بیان مقرر اور زکرین کا داخلہ پنجاب میں بند کیا گیا، ان میں اسد طالب جوہری، امین شہدی، شہنشاہ نقوی، ناصر عباس نقوی سمیت ذاکرین شامل ہیں۔

اسی طرح خیبرپختونخوا سے تعلق رکھنے والے مفتی کفایت اللہ، خلیل احمد سراج کے علاوہ 7 مقررین و ذاکرین جبکہ اسلام آباد کے چار شعلہ بیان مقرر اور زاکرین مولانا عبدالعزیز اور سخاوت علی سمیت دیگر کے پنجاب میں داخلے پر پابندی عائد کی گئی ہے۔

محکمہ داخلہ کے مطابق آزاد کشمیر اور گلگت بلتستان سے بھی ایک ایک شعلہ بیان مقرر اور زاکر کا داخلہ پنجاب میں ممنوع قرار دیا گیا ہے۔