مردان میں نائٹ ویژن گن کے حملے میں ایلیٹ فورس کا کمانڈو ہلاک، ٹی ٹی پی نے ذمہ داری قبول کرلی

اسلام آباد (ش ح ط) صوبہ خیبر پختونخوا کے ضلع مردان میں پولیس چوکی پر شدت پسندوں کے حملے میں ایلیٹ فورس کا ایک کمانڈو ہلاک ہوگیا ہے۔

https://twitter.com/ShabbirTuri/status/1598380522702610432?t=HanNh-OBMQCFESlZ3dvQiA&s=19

مردان میں مقامی پولیس کا کہنا ہے کہ تحصیل کاٹلنگ کے تھانہ بائیزئی کی چوکی غنڈو پر جمعرات کی رات شدت پسندوں نے حملہ کیا۔

مردان پولیس کے ایک اہلکار نے ڈیلی اردو کو مزید بتایا کہ اس حملے میں ایک پولیس اہلکار ہلاک ہوا اور پولیس نے جوابی کارروائی کی تو حملہ آور فرار ہو گئے۔

سرکاری ذرائع نے انکشاف کیا ہے کہ حملہ آور نے نائٹ ویژن گاگلز کا استعمال کر کے لیزر گن کی مدد سے کافی فاصلے سے بیٹھ کر ایلیٹ فورس کے کمانڈو کو نشانہ بنایا۔

مردان : چوکی غنڈو علاقہ تھانہ بائیزئی پر شدت پسندوں کی فائرنگ سے ایلیٹ فورس کا جوان فضل حق شہادت کے عظیم مرتبے پر فائز ہوگئے۔ pic.twitter.com/iYfIkA5QSq

— KP Police (@KP_Police1) December 2, 2022

ذرائع نے بتایا کہ ایلیٹ فورس کا کمانڈو فضل حق چوکی کی چھت پر تعینات تھا۔ فضل حق کی موت سر میں گولی لگنے سے واقع ہوئی۔

دوسری طرف کالعدم تنظیم تحریک طالبان پاکستان نے حملے کی ذمہ داری قبول کرلی ہے۔

https://twitter.com/ShabbirTuri/status/1598705499616198659?t=CVY2xGrxJ-XZsY4WuPMacw&s=19