مقبوضہ کشمیر: لاک ڈاؤن کا 56 واں روز، 6 کشمیری نوجوان شہید

سری نگر (ڈیلی اردو/نیوز ایجنسی) مقبوضہ کشمیر میں لاک ڈاؤن 56 ویں روز داخل ہو گیا ہے۔ بھارتی فوج نے ریاستی دہشتگردی کا مظاہرہ کرتے ہوئے مزید 6 کشمیری نوجوانوں کو شہید کر دیا۔

کشمیر میڈیا سروس کی رپورٹ کے مطابق بھارتی فوج  نے ضلع گاندربل کے علاقے نرانگ میں گھر گھر تلاشی کی آڑ میں تین کشمیری نوجوانوں کو شہید کیا۔

کے ایم ایس نے بتایا کہ قابض فوج نے جموں کے ضلع رام بن کے علاقے بٹوٹے میں بھی آپریشن اور گھر گھر تلاشی کے بہانے 3 نوجوانوں کو تشدد کرکے شہید کیا۔

رپورٹ کے مطابق علاقے میں بھارتی قابض فوجیوں کا آپریشن تاحال جاری ہے۔

J&K Police: A group of 5 terrorists trapped in Batote town of Ramban district of Jammu Zone. Joint parties of Police, Army&CRPF cordoned the area & exchange of fire ensues. Trapped terrorists had fired on a security team in morning and tried to escape.

— ANI (@ANI) September 28, 2019

یاد رہے کہ مقبوضہ جموں و کشمیر میں بھارتی فوج نے 5 اگست سے مکمل لاک ڈاؤن کر رکھا ہے جس کے باعث وادی میں انسانی المیہ جنم لے چکا ہے۔