نائیجیریا: مسلح افراد کے حملے میں 7 دیہاتی ہلاک

لاگوس (ڈیلی اردو) نائیجیریا کی شمال وسطی ریاست پلیٹئو میں نامعلوم مسلح افراد کے گروہ نے ایک گاؤں پر حملہ کر کے 7 افراد کو ہلاک کر دیا ہے۔

پلیٹئو میں پولیس کے ایک ترجمان گبریئل اُبھا نے پیر کے روز ریاست کے دارالحکومت جوس سے جاری کیے جانیوالے ایک بیان میں اس واقعے کی تصدیق کرتے ہوئے بتایا کہ گزشتہ روز شب 8 بجے پولیس کو ایک امدادی کال موصول ہوئی جس میں جنوبی جوس بلدیاتی علاقے کے ڈونگ گاؤں میں مسلح افراد کے حملے کی اطلاع دی گئی، جس میں 7 افراد ہلاک ہوئے ہیں۔

اُبھا نے کہا کہ پولیس اہلکاروں کی ایک مشترکہ ٹیم فوری طور پر جائے وقوعہ کی طرف بڑھی لیکن تخریب کار اس سے قبل ہی جھاڑیوں میں فرار ہو گئے۔

انہوں نے بتایا کہ واقعے کی تحقیقات شروع کر دی گئی ہیں اور مسلح افراد کی گرفتاری کیلئے بڑے پیمانے پر کوششیں جاری ہیں۔