ٹانک میں شدت پسندوں کی فائرنگ سے ایف سی کا جوان ہلاک

ٹانک (نمائندہ ڈیلی اردو ) صوبہ خیبر پختونخوا کے ضلع ٹانک میں ملازئی پولیس اسٹیشن کی حدود میں عمر خیل کے مقام پر شدت پسندوں نے فائرنگ کر کے فرنٹیئر کور (ایف سی) کے ایک جوان کو ہلاک کر دیا۔

سیکیورٹی ذرائع کے مطابق فائرنگ کا یہ واقعہ کالعدم تنظیم سے وابستہ عناصر کی جانب سے پیش آیا۔ ہلاک ہونے والے جوان کی شناخت حضرت علی ولد خان ولی کے نام سے ہوئی ہے، جن کا تعلق بیٹنی قبیلے سے تھا اور وہ حسن خیل، ملازئی کے رہائشی تھے۔

واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔

پاکستان، کالعدم تحریک طالبان پاکستان (ٹی ٹی پی) سے تعلق رکھنے والے عسکریت پسندوں کے لیے “خوارج” کی اصطلاح استعمال کرتا ہے۔