پاراچنار میں پہلی مرتبہ ‘ریپیڈ رسپانس فورس سنٹر’ کا قیام

پاراچنار (محمد صادق) پاراچنار میں پہلی مرتبہ ریپیڈ رسپانس فورس سنٹر کا قیام عمل لایا گیا، ڈی پی او محمد قریش خان نے فیتہ کاٹ کر نئے سنٹر کا باقاعدہ افتتاح کردیا۔

تفصیلات کے مطابق خیبر پختونخوا کے قبائلی ضلع کرم میں پہلی مرتبہ آر آر ایف (ریپیڈ رسپانس فورس سنٹر) کا قیام عمل میں لایا گیا اس موقع پر ڈی پی او محمد قریش نے میڈیا سے بات چیت کرتے ہوئے کہا کہ اس کا بنیادی مقصد پولیس کی فعالیت اور عوامی خدمت کو مزید موثر بنانا ہے۔

انہوں نے کہا کہ ریپیڈ رسپانس فورس ہر قسم حالات سے نمٹنے کیلئے تیار رہے گی اور سنٹر میں اٹھ اہلکار چوبیس گھنٹے موجود رہیں گے جو کہ شہر اور گرد و نواح میں بوقت ضرورت فوری کاروائی کریگی۔

انہوں نے کہا کہ قبائلی اضلاع میں نئے نظام کی نفاذ سے پولیس کو اچھی رسپانس ملتی ہے اور لوگ نئے نظام سے خوش ہیں۔

ڈی پی او کرم محمد قریش خان نے بتایا کہ عوام کی مسائل کے حل اور عوام کو نئے نظام سے روشناس کرانے کیلئے مختلف علاقوں میں کھلی کچہریوں کا سلسلہ بھی جاری ہے اور انشاء اللہ کرم پولیس عوامی توقعات پر پورا اترے گی۔

اس سے قبل ڈی پی او کرم محمد قریش خان نے فیتہ کاٹ کر ریپیڈ رسپانس فورس سنٹر کا باقاعدہ افتتاح کردیا اس موقع پر ڈی ایس پی نجف علی، سٹی انچارج اشتیاق حسین، سابق سینیٹر سجاد سید میاں، قبائلی رہنما حاجی جمیل حسین بھی موجود تھے۔