پاکستانی نوبل انعام یافتہ ملالہ یوسفزئی نے شادی کرلی

برمنگھم (ڈیلی اردو) پاکستان کی نوبل انعام یافتہ ملالہ یوسفزئی نے شادی کرلی۔

سماجی رابطے کی ویب سائٹ ٹوئٹر پر اپنے نکاح کی تصدیق کرتے ہوئے ملالہ یوسفزئی نے لکھا کہ آج کا دن میری زندگی کا سب سے قیمتی دن ہے،میں اور اسیر زندگی بھر کے لئے ہمسفر بن گئے ہیں۔

Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
????: @malinfezehai pic.twitter.com/SNRgm3ufWP

— Malala Yousafzai (@Malala) November 9, 2021

ٹوئٹر پر انہوں نے مزید لکھا کہ ہمارے نکاح کی تقریب برمنگھم والے گھر میں ہوئی ،برائے کرم ہمیں اپنے دعاؤں میں یاد رکھیں،ہم اپنی نئی زندگی کے سفر کے لئے بہت پرجوش ہیں۔

ملالہ کے شوہر کا پورا نام عاصر ملک ہے اور وہ پاکستان کرکٹ بورڈ (پی سی بی) ہائی پرفارمنس سنٹر کے جنرل منیجر ہیں۔ دونوں گزشتہ کچھ عرصے سے ایک دوسرے کے ساتھ ہیں۔

جولائی میں عاصر ملک نے ٹوئٹر پر ملالہ یوسفزئی کے ساتھ اپنی تصویر بھی شیئر کی تھی جس میں انہوں نے اپنی بیوی کو سالگرہ کی مبارکباد دی تھی۔

اس کے علاوہ بھی عاصر ملک ملالہ یوسفزئی کی تصاویر اور ویڈیوز سوشل میڈیا پر شیئر کرتے رہتے ہیں۔ انہیں 29 مئی 2020 کو پی سی بی میں تعینات کیا گیا تھا۔پی سی بی میں آنے سے پہلے عاصر ملک پاکستان سپر لیگ کی فرنچائز ملتان سلطانز کے ساتھ بطور آپریشنل منیجر کام کرتے تھے۔ اس کے علاوہ وہ پلیئر مینجمنٹ ایجنسی بھی چلاتے رہے ہیں۔