پاکستانی پاسپورٹ دنیا کا چوتھا کمزور ترین پاسپورٹ قرار

کراچی (مانیٹرنگ ڈیسک) پاکستان کے پاسپورٹ کو آرٹن کیپٹل کی جانب سے جاری نئی رینکنگ میں دنیا کا چوتھا کمزور ترین پاسپورٹ قرار دیا گیا ہے۔ اس کے باوجود پاکستانیوں کو 8 ممالک میں مکمل ویزہ فری انٹری حاصل ہے اور دو ملکوں میں پری انرولمنٹ اور پرمٹ کی بنیاد پر انٹری کی سہولت حاصل ہے جبکہ 34 ممالک 90 دن تک آن ارائیول ویزا دیتے ہیں۔ جن ممالک میں پاکستانی بغیر ویزہ 3 ماہ کیلئے قیام کرسکتے ہیں۔ ان میں بارباڈوس، ڈومینیکا، گمبیا، ہیٹی، مائیکرونیشیا، سینٹ ونسینٹ اینڈ دی گریناڈینز، ٹرینیڈاڈ اینڈ ٹوباگو اور وینواتو شامل ہیں۔

اسکے علاوہ قطر میں پاکستانی حیاانٹری پرمٹ کی بنیاد پر 30 دن اور آئیوری کوسٹ میں پری انرولمنٹ کی بنیاد پر 90 دن قیام کرسکتے ہیں۔ جن ممالک میں پاکستانیوں کو آن ارائیول ویزے کی سہولت حاصل ہے ان میں انگول، آزربائیجان، بولیویا، برونڈی، کمبوڈیا، کیپ ورڈے، کوموروس، کانگو، جبوتی، ایتھوپیا، گبون، گینیا، گینیا بیساؤ شامل ہیں۔

اس کے علاوہ کینیا، لیسوتھو، مڈغاسکر، ملاوی، ملائیشیاء، مالدیپ، موریطانیہ، نیپال، نائیجریا، پالاؤ، روانڈا، ساموا، سشلی، سیرا لیون، صومالیہ، جنوبی سوڈان، سوری نیم، تیمور لیسٹ، ٹوگو، تووالو اور یوگانڈا شامل ہیں۔