پشاور میں داعش کے دو دہشت گردوں کو قید کی سزائیں

پشاور (ڈیلی اردو) صوبہ خیبر پختونخوا میں کالعدم تنظیم داعش کے 2 دہشت گردوں کو سزائیں سنا دی گئیں۔

پشاور کی انسدادِ دہشت گردی کی خصوصی عدالت نے کالعدم تنظیم داعش کے 2 سہولت کاروں کی ضمانت کی درخواست خارج کر دی۔

انسدادِ دہشت گردی کی عدالت کے جج محمد اقبال نے دہشت گرد عفان متین کو 14 سال اور عثمان کو 13 سال قیدِ با مشقت کی سزا سنائی، دونوں دہشت گردوں کو گزشتہ سال مارچ میں مردان سے گرفتار کیا گیا تھا۔

سی ٹی ڈی کے مطابق رواں سال 19 مقدمات میں گرفتار 99 دہشت گردوں میں سے 28 کو سزائیں ہوئی ہیں۔

رواں سال دہشت گردی کے 64 درج مقدمات میں 83 ملزمان کی ضمانتیں خارج ہوئیں جبکہ بنوں میں گرفتار 24 دہشت گردوں سے تفتیش کے لیے عدالتوں سے ریمانڈ حاصل کر لیا گیا۔

سی ٹی ڈی کے مطابق ملزمان عبدالجبار اور زیارت گل داعش کے لیے سہولت کاری کر رہے تھے، ملزمان کی سہولت کاری کے باعث سیکیورٹی فورسز اور اداروں پر حملے ہوئے، ملزمان سے ریاست مخالف پمفلٹس اور دیگر مواد برآمد ہوئے ہیں۔