پشاور میں نامعلوم موٹر سائیکل سواروں کی فائرنگ سے 3 پولیس اہلکار زخمی، جوابی کارروائی میں حملہ آور ہلاک

پشاور (ڈیلی اردو) صوبہ خیبر پختونخوا کے دارالحکومت پشاور میں نامعلوم موٹر سائیکل سواروں کی فائرنگ سے تین پولیس اہلکار زخمی ہوگئے ہیں حبکہ جوابی فائرنگ سے ایک حملہ آور مارا گیا۔

#Pakistan: 3 policemen were wounded in a gun attack in the Pashtkhara area of Peshawar. One attacker was gunned down in retaliation. https://t.co/WY8bPJvG1M

— ???? (@cozyduke_apt29) June 26, 2023

پشاور پولیس کے مطابق کوہاٹ روڈ پر پشتخرہ کی حدود میں موٹر سائیکل سواروں کو پولیس ٹیم نے رکنے کا اشارہ کیا جس پر ملزمان کی جانب سے فائرنگ شروع کر دی گئی۔

پولیس نے بتایا کہ ملزمان کی فائرنگ کے نتیجے میں تین اہلکار زخمی ہوئے جبکہ جوابی فائرنگ میں ایک ملزم ہلاک ہوگیا۔

پولیس نے مزید بتایا کہ ہلاک ملزم کے دیگر ساتھی فرار ہونے میں کامیاب ہوگئے جن کی گرفتاری کے لئے علاقے کی ناکہ بندی کر کے سرچ آپریشن کا آغاز کر دیا گیا ہے۔