پنجاب: راجن پور میں سی ٹی ڈی کا آپریشن، ٹی ٹی پی اور القاعدہ کے 2 دہشت گرد ہلاک، 3 گرفتار

لاہور (ڈیلی اردو) صوبہ پنجاب کے ضلع راجن پور میں کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بیسڈ آپریشن کے دوران کالعدم تنظیم تحریک طالبان پاکستان (ٹی ٹی پی) اور کالعدم القاعدہ سے وابستہ دو دہشت گردوں کو ہلاک اور تین کو گرفتار کر لیا۔

تفصیلات کے مطابق سی ٹی ڈی نے پنجاب میں دہشت گردوں کے خلاف انٹیلی جنس بیسڈ آپریشن کیا۔

آپریشن کے دوران فائرنگ کےتبادلے میں کالعدم ٹی ٹی پی اور کالعدم القاعدہ کے 2 دہشت گرد ہلاک ہوگئے جبکہ کالعدم القاعدہ اور ٹی ٹی پی کے 3 دہشت گردوں کو گرفتار کرلیا گیا۔

حکام نے بتایا کہ ہلاک دہشت گردوں کی شناخت عرفان اللہ اور الیاس کے نام سے ہوئی جبکہ گرفتار دہشت گردوں میں حارث، سیف اور ابرار شامل ہیں۔

گرفتاردہشت گردوں سے بارودی مواد، خودکش جیکٹ بنانے کا سامان اور اسلحہ برآمد کرلیا ہے، 48 انٹیلی جنس بیسڈ آپریشنز کے دوران 49 مشتبہ افراد سے تفتیش کی گئی۔