پنجاب: راجن پور میں سی ٹی ڈی کی کارروائی، ایک دہشت گرد گرفتار، اسلحہ اور دستی بم برآمد

لاہور (ڈیلی اردو) کاؤنٹر ٹیررزم ڈیپارٹمنٹ (سی ٹی ڈی) نے صوبہ پنجاب کے ضلع راجن پور کی تحصیل روجھان میں کارروائی کرکے ایک دہشت گرد کو گرفتار کر لیا۔

ترجمان سی ٹی ڈی کے مطابق گرفتار دہشت گرد سے اسلحہ اور دستی بم برآمد کر لیا۔

ترجمان سی ٹی ڈی کا کہنا تھا کہ بم ڈسپوزل اسکواڈ نے دستی بم کو ناکارہ بنا دیا، گرفتار دہشت گرداہم مقام پر دہشت گردی کی منصوبہ بنا رہا تھا۔

خیال رہے کہ 17 فروری کو سی ٹی ڈی نے پنجاب کے مختلف شہروں میں کارروائی کرتے ہوئے کالعدم تحریک طالبان پاکستان (ٹی ٹی پی) کے اہن کمانڈر معاویہ سمیت 7 دہشت گردوں کو گرفتار کر لیا تھا۔

ترجمان سی ٹی ڈی نے بتایا تھا کہ پنجاب کے مختلف شہروں میں انٹیلی جنس کی بنیاد پر 164 آپریشن کیے۔

مزید کہا تھا کہ جن شہروں میں آپریشن کیے گئے ہیں، ان میں لاہور، منڈی بہاؤ الدین، گوجرانوالہ، لیہ، ساہیوال، میانوالی اور بہاولپور شامل ہیں۔

ترجمان سی ٹی ڈی پنجاب کا کہنا تھا کہ بہاولپور سے ٹی ٹی پی کے اہم کمانڈر معاویہ کو گرفتار کیا گیا ہے۔