پنجاب: کالعدم تحریک طالبان پاکستان اور القاعدہ کے 9 دہشت گرد گرفتار

لاہور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی) پنجاب نے مختلف علاقوں میں کارروائیاں کرتے ہوئے کالعدم تنظیموں سے تعلق رکھنے والے 9 دہشت گردوں کو گرفتار کرلیا۔

ترجمان سی ٹی ڈی کے مطابق دہشت گردوں کی گرفتاری فیصل آباد، گوجرنوالہ، بہاولپور ، ڈی جی خان اور ملتان سے سے عمل میں لائی گئی ہے، گرفتار دہشت گردوں کا تعلق کالعدم تحریک طالبان پاکستان اور القاعدہ سے ہے، دہشت گردوں کے قبضے سے بارودی مواد، ڈیٹو نیٹرز، فیوز اور 152800 نقدی برآمد ہوئی ہے۔

سی ٹی ڈی حکام کا کہنا ہے کہ گرفتار دہشت گردوں کی شناحت نوید خان، خرم، غلام حسین، غلام عباس، اویس، محمد سیف، حسین، اسماعیل اور اخوان کے نام سے ہوئی ہے، دہشت گردوں کے خلاف سات مقدمات درج کرکے مزید تفتیش جاری ہے۔

دہشت گردوں کے خلاف سات مقدمات درج کرکے مزید تفتیش جاری ہے۔ حکام کے مطابق رواں ہفتے 153 کومبنگ آپریشنز کے دوران 8 مشتبہ افراد گرفتار کیے گئے، کومبنگ آپریشنز میں 7 ہزار 751 افراد سے پوچھ گچھ کی گئی۔