ڈیرہ اسماعیل خان میں سیکیورٹی فورسز کی کارروائی میں کالعدم ٹی ٹی پی کا دہشت گرد ہلاک

ڈی آئی خان (ڈیلی اردو) صوبہ خیبر پختونخوا کے ضلع ڈیرہ اسماعیل خان میں سیکیورٹی فورسز نے کارروائی کے دوران ایک دہشت گرد کو ہلاک کردیا۔

ڈیرہ اسماعیل خان کے علاقے درابن میں سیکیورٹی فورسز نے کاروائی کرتے ہوئے کالعدم تحریک طالبان گنڈاپور گروپ کا دہشت گرد عرفان عرف گُڈ (لنگڑا) مارا گیا، جبکہ دو دہشت گرد رات کی تاریکی میں فرار ہونے میں کامیاب ہوگئے۔#TTP #DIKhan #Pakistan

— Shabbir Hussain Turi (@ShabbirTuri) June 13, 2023

سکیورٹی ذرائع کا کہنا ہے کہ ڈیرہ اسماعیل خان کی تحصیل درابن میں خفیہ اطلاعات پر کارروائی کی گئی۔

کارروائی میں کالعدم تنظیم تحریک طالبان گنڈاپور گروپ کا دہشت گرد عرفان عرف گُڈ (لنگڑا) مارا گیا۔ جبکہ دو دہشت گرد رات کی تاریکی میں فرار ہونے میں کامیاب ہوگئے۔ کارروائی میں پاک فوج، سی ٹی ڈی اور پولیس بھی شامل تھی۔

سکیورٹی ذرائع کا کہنا ہے کہ سیکورٹی فورسز کے ساتھ دہشت گردوں کا ایک گھنٹے تک مقابلہ جاری رہا۔ مارا جانے والا دہشت گرد عرفان، کمانڈر مظہر اور جبار شاہ کا قریبی ساتھی تھا۔ دہشت گردوں کا یہ گروہ ڈیرہ اسماعیل خان اور گردونواح میں چیک پوسٹوں پر حملوں اور دیگر کارروائیوں میں ملوث تھا۔