ڈیرہ اسماعیل خان: کلاچی سے دہشت گردی اور دیگر قتل کی واردات میں مطلوب 3 ملزمان کو گرفتار

ڈی آئی خان (توقیر حسین زیدی) صوبہ خیبر پختونخوا کے ضلع ڈیرہ اسماعیل خان کی تحصیل کلاچی سے دہشت گردی اور دیگر قتل کی واردات میں مطلوب تین ملزمان کو گرفتار کرلیا گیا ہے۔

تفصیلات کے مطابق ایس ایچ او کلاچی ملک رمضان خان ہمراہ نفری پولیس نے دہشت گردی اور دیگر قتل کے مقدمات میں مطلوب ملزمان کے خلاف بدوران چھاپہ زنی کامیاب کارروائی عمل میں لائی ہے۔

ایس ایچ او کلاچی ہمراہ نفری پولیس نے مورخہ 25 مارچ 2019 کو کلاچی کی حدود میں دہشتگردی اور اقدام قتل کی واردات سرانجام دینے والے ملزم نعیم عرف ٹنڈا ولد فضل دین قوم بھٹی سکنہ کوٹ سلطان کو بدوران سے گرفتار کر لیا۔

9 جنوری 2020 کو تھانہ کلاچی کی حدود میں ہونے والی قتل کی واردات میں مطلوب ملزمان عبدالحلیم اور نوردین کو بھی گرفتار کر لیا۔ ملزمان سے مزید تفتیش جاری ہے۔