ڈیرہ اسماعیل خان: کلاچی میں سیکورٹی فورسز کی گاڑی کے قریب دھماکا، اہلکار ہلاک، تین شدید زخمی

ڈی آئی خان (توقیر حسین زیدی) صوبہ خیبر پختونخوا کے ضلع ڈیرہ اسماعیل خان کی تحصیل کلاچی کے علاقہ روڑی میں سیکیورٹی فورسز کی گاڑی کے قریب دھماکے میں ایک اہلکار ہلاک اور تین زخمی ہوگئے ہیں۔

نمائندہ ڈیلی اردو کے مطابق ڈیرہ اسماعیل خان کی تحصیل کلاچی کے علاقہ روڑی جہانگیر آباد میں سیکیورٹی فورسز کی گاڑی کو آئی ڈی (ریموٹ کنٹرول) دھماکے سے نشانہ بنایا گیا۔ دھماکے کے نتیجے میں سپاہی الیاس موقع پر ہلاک ہوگیا جبکہ تین جوان جن میں سپاہی عزیز، سپاہی پیر محمد اور صوبیدار فیاض شدید زخمی ہو گئے۔ دھماکے کے بعد زخمیوں کو تحصیل ہیڈکوارٹر ہسپتال کلاچی منتقل کر دیا گیا۔

واقع کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا۔