کراچی: تبلیغی جماعت کے ارکان سے بھرا ہوا ایک اور ٹرک پکڑا گیا

اسلام آباد (ش ح ط) کراچی پولیس کو چکمہ دینے والے تبلیغیوں سے بھرا مال بردار ٹرک پکڑا گیا۔ لاک ڈاؤن کے باوجود کراچی سے 43 تبلیغیوں کو لے کر مانسہرہ جانے والا مال بردار ٹرک پکڑا گیا۔

تفصیلات کے مطابق سندھ پولیس اس وقت ہکابکا رہ گئی جب ٹول پلازہ پر چیکنگ کیلئے روکے گئے ایک مال بردار ٹرک کا ڈالہ کھولے جانے پر اس میں سے سازو سامان کے بچائے بستروں سمیت 43 تبلیغی مولوی برآمد ہوئے۔

آرٹلری میدان پولیس نے سول لائن پولیس کے ہمراہ کارروائی کرتے ہوئے مال بردار ٹرک کے ذریعے مانسہرہ جانے کی کوشش ناکام بنادی اور 43 تبلیغی جماعت کے افراد کو حراست میں لے لیا۔

پولیس کے مطابق تمام افراد مال بردار ٹرک میں بھیڑ بکریوں کی طرح سوار ہو کر مانسہرہ جا رہے تھے جس سے کررونا وائرس پھیلنے کا خطرہ تھا۔ ان لوگوں نے پولیس کو بتایا کہ لاک ڈاون کے باعث کراچی میں پھسنے ہوئے تھے اور اب اپنے آبائی علاقوں کو جارہے تھے۔ پولیس کا کہنا ہے کہ ٹرک میں سوار افراد کے ہمراہ بچے بھی ہیں۔ پولیس ذرائع نے بتایا کہ تمام افراد کے خلاف مقدمہ درج کرلیا گیا ہے۔

واضح رہے کہ دو روز قبل اسلام آباد ٹول پلازہ پر موٹروے پولیس کی جانب سے روکے گئے ایک ٹرک سے درجنوں کی تعداد میں تبلیغی مولوی برآمد ہوئے تھے، تفتیش کے بعد پتہ چلا کہ یہ تمام تبلیغی مولوی رائے ونڈ تبلیغی اجتماع میں شرکت کے بعد ملتان میں روپوش ہوگئے تھے۔

رائے ونڈ تبلیغی اجتماع سے ہزاروں پاکستانیوں کے کورونا وائرس میں مبتلا کرنے اور درجنوں افراد کی ہلاکت کے بعد لاک ڈاؤن کےسبب تبلیغی جماعت کے افراد اسی اندازمیں چھپ چھپاکے ایک شہر سے دوسرے شہر کا سفر کررہے ہیں۔

یاد رہے کہ حکومت پہلے ہی41 ہزار سے زائد تبلیغی اراکین کو تلاش کرنے میں مصروف ہے

واضح رہے کہ اس سے قبل پنجاب اور سندھ کے مختلف شہروں میں تبلیغی جماعت کے کارکنوں کی جانب سے انتظامیہ پر حملوں اور قرنطینہ مراکز سے فرار ہونے کی اطلاعات تواتر کے ساتھ موصول ہورہی ہیں اور میڈیا کی زینت بھی بن رہی ہیں۔