کراچی سے سلیپر سیل کے تین دہشت گرد گرفتار

کراچی (نمائندہ ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے کراچی کے علاقے گلستان جوہر میں انٹیلی جنس بیسڈ پر آپریشن کرتے ہوئے 3 دہشتگردوں کو گرفتار کرلیا۔

کراچی میں سی ٹی ڈی اور حساس اداروں نے مشترکہ کارروائی کرتے ہوئے سلیپر سیل کے تین دہشت گردوں کو گرفتار کرلیا۔

ترجمان سی ٹی ڈی کے مطابق ملزمان نے آج اہم شخصیت کے قتل کی منصوبہ بندی کررکھی تھی، سلیپر سیل نے اہم شخصیات، غیرملکی سفارتخانوں کو ٹارگٹ کرنا تھا۔

پولیس کے مطابق گرفتار ملزمان کی شناخت سید کمیل حیدر عابدی، سید ہادی رضا زیدی اور سید ظہیر عباس زیدی کے ناموں سے ہوئی ہے۔

سی ٹی ڈی کے مطابق گرفتار دہشت گردوں کے قبضے سے 3 دستی بم، 6 پستول برآمد کر لیے گئے۔

حکام کا مزید کہنا ہے کہ گرفتار دہشتگردوں کے مزید ساتھیوں کی تلاش کیلئے چھاپے مارے جارہے ہیں۔

ترجمان سی ٹی ڈی کا بتانا ہے کہ گرفتار ملزمان نے سنسنی خیز انکشافات کیے ہیں جبکہ مزید تفتیش جاری ہیں۔