کراچی میں سی ٹی ڈی کی کارروائی، کالعدم ٹی ٹی پی کا دہشت گرد گرفتار

کراچی (ڈیلی اردو) صوبہ سندھ کے صوبائی دارالحکومت میں کاؤنٹر ٹیررازم ڈیپارٹمنٹ (سی ٹی ڈی) نے بڑی کارروائی کے دوران کالعدم تنظیم کا دہشت گرد گرفتار کر لیا۔

سی ٹی ڈی ترجمان کے مطابق ابراہیم حیدری کورنگی میں کی جانے والی کارروائی کے دوران کالعدم تنظیم تحریک طالبان پاکستان (ٹی ٹی پی) کا اہم دہشت گرد گرفتار کر لیا گیا جس کی شناخت غلام نبی کے نام سے ہوئی ہے۔

ترجمان سی ٹی ڈی نے بتایا کہ ملزم واٹس ایپ اور ٹیلی گرام کے ذریعے دہشت گردوں سے رابطے میں تھا اور کالعدم تنظیم کے لئے چندہ بھی اکٹھا کر رہا تھا۔

ترجمان نے مزید بتایا کہ ملزم نے تفتیش کے دوران تربیت لینے کے لئے افغانستان جانے کا بھی انکشاف کیا ہے۔