کرم اور بنوں میں دھماکہ اور فائرنگ کے واقعات: پولیس اہلکار سمیت دو افراد ہلاک،

پاراچنار + بنوں (نمائندگان ڈیلی اردو) پاکستان کے شورش زدہ صوبے خیبر پختونخوا کے اضلاع کرم اور بنوں میں جمعرات کو علیحدہ علیحدہ پرتشدد واقعات میں پولیس اہلکار سمیت دو افراد ہلاک جبکہ ایک شخص زخمی ہوگیا۔

پیواڑ میں بارودی سرنگ دھماکہ

اپر کرم کے پاک افغان سرحدی گاؤں پیواڑ میں بارودی سرنگ کے دھماکے میں حسن فقیر ہلاک جبکہ اس کا بیٹا صادق حسین زخمی ہوگیا۔

پولیس اور ریسکیو ٹیمیں فوری طور پر جائے وقوعہ پر پہنچیں اور ہلاک و زخمی کو ڈی ایچ کیو اسپتال پاراچنار منتقل کیا۔

پولیس کا کہنا ہے کہ دھماکے کی نوعیت کے بارے میں تحقیقات جاری ہیں۔

بنوں میں شدت پسندوں کی فائرنگ

بنوں کے علاقے ڈومیل بازار میں شدت پسندوں کی فائرنگ سے پولیس اہلکار قدوس شدید زخمی ہوا، جسے اسپتال منتقل کیا گیا جہاں ڈاکٹروں نے ان کی موت کی تصدیق کر دی۔

شدت پسند موقع سے فرار ہونے میں کامیاب ہوگئے۔ پولیس نے مقدمہ درج کرکے تلاش شروع کر دی ہے۔