کرم: قبائلی اضلاع کی تاریخ میں پہلی بار مسیحی خاتون سمرین عامر ایڈیشنل ایس ایچ او پاراچنار تعینات

پاراچنار (م ص) ڈسٹرکٹ پولیس آفیسر کرم محمد عمران کی جانب سے صوبہ خیبر پختونخوا کے قبائلی ضلع کرم میں خواتین کے مسائل کے فوری حل اور انہیں بہترین گائیڈ لائن اور ریلیف دینے کی خاطر کرم پولیس میں پہلی بار خواتین اے ایس ایچ اوز کی تقرریاں اور تعیناتی عمل میں لائی گئی۔

ڈسٹرکٹ پولیس آفیسر کرم محمد عمران کی طرف سے جاری کردہ احکامات کی روشنی میں ایس پی انوسٹی گیشن مظہر جہان نے تھانہ پاراچنار خواتین ایڈیشنل ایس ایچ او سمرین عامر کو شولڈر پروموشن کے بیجز لگادی گئی۔

اس موقع پر ڈی پی او کرم محمد عمران کا کہنا ہے کہ خواتین ایس ایچ اوز کی تقرریوں کا مقصد صرف اور صرف یہ ہے کہ اکثر اوقات خواتین کو درپیش مسائل میں مرد پولیس آفیسرز کے سامنے اپنے بیانات اور دیگر مسائل بیان کرنے میں نہ صرف مشکلات درپیش تھیں بلکہ قبائلی رسم و رواج ہونے کی ناطے سے خواتین کو ہچکچاہٹ کا سامنا ہوتا تھا۔