کرم میں مارٹر گولہ پھٹنے سے تین بچے ہلاک، چار زخمی

پاراچنار (ڈیلی اردو) صوبہ خیبر پختونخوا کے قبائلی ضلع کرم میں ناکارہ گولہ پھٹنے سے ایک بچی سمیت تین بچے ہلاک اور چار دیحر زخمی ہوگئے۔

تفصیلات کے مطابق صدہ بازار کے قریب متخوزہ کے پہاڑی علاقے میں بچے ناکارہ گولے سے کھیل رہے تھے کہ اس دوران مارٹر کا گولہ پھٹ گیا جس کے نتیجے میں دو بچے موقع پر ہلاک جبکہ پانچ زخمی ہوگئے زخمی بچوں کو صدہ ہسپتال روانہ کیا گیا جہاں ایک اور بچہ دم توڑ گیا جبکہ چار زخمیوں کا ہسپتال میں علاج جاری ہے۔

ہلاک ہونے والے بچوں میں گل رحیم، محمد اور صدیقہ شامل ہے۔ ہلاک اور زخی بچوں کی عمریں آٹھ سال سے لیکر بارہ سال تک بتائی جاتی ہے۔

پولیس نے واقعے کی تحقیقات شروع کردی ہے۔ کرم پولیس کا کہنا ہے کہ حالیہ جھڑپوں کے باعث متخوزہ کے پہاڑی علاقے میں مارٹر کا گولہ گرتے وقت نہیں پھٹا تھا اور آج بچے اس سے کھیل رہے تھے تو زور دار دھماکے سے پھٹ گیا۔