کور کمانڈر پشاور کا جنوبی وزیرستان کا دورہ

راولپنڈی (ڈیلی اردو) کور کمانڈر پشاور لیفٹیننٹ جنرل حسن اظہر حیات نے جنوبی وزیرستان کے علاقے سراروغہ کا دورہ کیا۔

پاکستانی فوج کے شعبہ تعلقات عامہ آئی ایس پی آر کے مطابق کور کمانڈر پشاور لیفٹیننٹ جنرل حسن اظہر حیات نے دورے کے دوران محسود جرگہ کے قبائلی عمائدین سے ملاقات کی اور مقامی قبائلیوں کی قربانیوں کو سراہا۔

آئی ایس پی آر کا کہنا ہے کہ قبائلی عمائدین نے امن کی بحالی پر پاک فوج کا شکریہ ادا کیا، عمائدین نے سیکیورٹی فورسز کو ان کی غیر متزلزل حمایت کا یقین دلایا۔

کور کمانڈر پشاور لیفٹننٹ جنرل حسن اظہر نے کہا کہ پاک فوج علاقے میں سماجی واقتصادی ترقی کے لیے ہر ممکن مدد فراہم کرے گی۔

انہوں نے کہا کہ دہشت گردی کے خلاف بے مثال کامیابیاں قبائلیوں کی قربانیوں سے ممکن ہوئیں، مقامی لوگ سیکیورٹی فورسز کے ساتھ کندھے سے کندھا ملا کر لڑے۔