گجرات میں بھارتی فوجی کی اپنے ہی ساتھیوں پر فائرنگ، 2 اہلکار ہلاک، 2 زخمی

نئی دہلی (مانیٹرنگ ڈیسک) بھارتی ریاست گجرات میں فوجیوں کے درمیان جھگڑے کے دوران فائرنگ سے 2 اہلکار ہلاک ہوگئے۔

بھارتی میڈیا کے مطابق گجرات میں ریاستی اسمبلی کے انتخابات ہورہے ہیں، اس سلسلے میں مختلف علاقوں میں پولنگ کے دوران فوجی اہلکار بھی تعینات کئے گئے ہیں۔

2 CRPF jawans on poll duty killed in Gujarat

The jawans were staying inside a cyclone centre in Tukda Gosa village, about 25 km from Porbandar. The centre is being used as a shelter for the visiting CRPF jawans.https://t.co/N9wSCF9vgr

— The Times Of India (@timesofindia) November 26, 2022

گجرات ہی کے ایک قصبے پور بندر میں پولنگ کے دوران امن و امان کی صورت حال کو قابو میں رکھنے کے لئے مامور فوجیوں کے درمیان کسی بات پر تلخ کلامی ہوگئی۔

تلخ کلامی سے بڑھ کر جھگڑے کی شکل اختیار کرلی اور ایک فوجی نے اپنی سرکاری بندوق (اے کے 56) سے فائرنگ کردی۔ جس سے 2 فوجی موقع پر ہی ہلاک جب کہ 2 زخمی ہوگئے۔

پور بندر پولیس کا کہنا ہے کہ فائرنگ کرنے والے فوجی کو گرفتار کرلیا گیا ہے۔ لاشوں اور زخمیوں کو قریبی سرکاری اسپتال منتقل کردیا گیا ہے، زخمیوں کا علاج جاری ہے اور ان کی حالت کی خطرے سے باہر بتائی جارہی ہے۔

پولیس کا کہنا ہے کہ فائرنگ کرنے والے اہلکار اور ہلاک و زخمی ہونے والے فوجیوں کا تعلق انڈین ریزرو بٹالین (Indian Reserve Batallion) سے ہے۔ واقعے کی وجوہات جاننے کے لئے تحقیقات جاری ہیں۔