گلگت بلتستان: دہشتگردی کے دو مختلف واقعات میں 8 مجرموں کو سزائے موت

گلگت (ڈیلی اردو) انسداد دہشت گردی عدالت نے گلگت بلتستان کے ضلع نلتر میں دہشتگردی کے 2 مختلف واقعات کا فیصلہ سناتے ہوئے 8 مجرموں کو سزائے موت اور 6 کو قید کی سزا دے دی جبکہ 3 ملزمان عدم ثبوت پر بری کر دیئے گئے۔

گلگت کی انسداد دہشت گردی عدالت نے نلتر میں دہشت گردی کے 2 مختلف واقعات کا بڑا فیصلہ سنا دیا۔

جج رحمت شاہ نے جرم ثابت ہونے پر 25 مئی 2020 اور 25 مارچ 2021 مین دہشتگردی کے واقعات کا فیصلہ سنایا۔

عدالت نے 8 مجرموں کو سزائے موت سنا دی جن میں سے 2 کو 12 سال جبکہ 6 کو 29 سال قید کی بھی سز دی گئی۔

عدالت نے تمام مجرموں کو 5 پانچ لاکھ روپے جرمانے بھی ادا کرنے کا حکم دیا، فیصلے میں ایک مجرم کو عمر قید کی بھی سزا سنائی گئی۔

فیصلے میں دیگر 6 ملزمان کو قید کی سزائیں بھی سنائی گئیں جبکہ عدالت نے عدم ثبوت پر 3 ملزمان کو بری بھی کیا۔

وادی نلتر میں گزشتہ سال 25 مئی کو دہشت گردی کے واقعے میں 2 افراد ہلاک ہوئے تھے جبکہ رواں سال 25 مارچ کو گاڑی پر فائرنگ سے ایک خاتون سمیت 7 افراد ہلاک ہوئے تھے۔