گلگت بلتستان میں پاکستانی طالبان کی فائرنگ سے 4 پولیس اہلکار زخمی

واشنگٹن (ش ح ط) پاکستان کے زیر اہتمام گلگت بلتستان کے علاقے ناران کے مقام گٹی داس میں شدت پسندوں نے پولیس وین پر فائرنگ کی، جس کے نتیجے میں چار پولیس اہلکار زخمی ہو گئے۔ زخمیوں میں اہلکار عامر، اشتیاق، احتشام اور راجہ کاشف شامل ہیں۔ زخمیوں کو فوری طور پر اسپتال منتقل کر کے طبی امداد دی جا رہی ہے۔

دوسری جانب پاکستانی طالبان نے حملے کی ذمہ داری قبول کرلی۔

واضح رہے کہ یہ ایک ہفتے کے اندر دوسرا حملہ ہے۔ اس سے قبل چلاس کے مقام ہڈور میں گلگت اسکاؤٹس کے کیمپ پر فائرنگ کی گئی تھی، جس میں صوبیدار سمیت دو اہلکار ہلاک اور سات دیگر زخمی ہوئے تھے۔

سیکیورٹی فورسز نے علاقے میں گشت بڑھا دیا ہے اور حملہ کرنے والوں کی تلاش جاری ہے۔