‏بہاولپور سے 2 مبینہ بھارتی جاسوس گرفتار، مقدمہ درج

بہاولپور (ڈیلی اردو) صوبہ پنجاب کے ضلع بہاولپور کی تحصیل یزمان کے ریگستان سے 2 بھارتی شہریوں کو گرفتار کرکے مقدمہ درج کر لیا گیا۔

دونوں بھارتی شہری غیر قانونی طور پر سرحد عبور کرکے پاکستان میں داخل ہوئے اور ان پر جاسوس ہونے کا شبہ ہے۔

پولیس کے مطابق گرفتار بھارتی شہریوں کی شناخت وری لال اور پرشانت وائندم کے نام سے ہوئی جن کےخلاف کنٹرول آف انٹری ايکٹ 3 اور 4 کے تحت مقدمہ درج کرلیا گیا ہے۔

ايف آئی ار متن کے مطابق پرشانت بھارتی صوبہ حيدرآباد دکن جبکہ وری لال مدھيہ پرديش سے تعلق رکھتا ہے۔ دونوں بغير پاسپورٹ اور دستاويزات کے پاکستان ميں داخل ہوئے۔

ملزمان کو 14 نومبر کو گرفتار کرکے مقدمہ درج کيا گیا تھا۔

ذرائع کا کہنا ہے کہ بھارتی شہریوں کو آج مقامی عدالت میں پیش کرکے جسمانی ریمانڈ کی درخواست کرے گی جس کے دوران ان سے مزید تفتیش کی جائے گی۔