30 بچوں سے زیادتی کی لائیو ویڈیو بنانے والا کے پی حکومت کا سرکاری ملازم گرفتار، سنسنی خیز انکشافات

راولپنڈی (مانیٹرنگ ڈیسک) راولپنڈی پولیس نے تھانہ روات کے علاقے میں اہم کارروائی کرتے ہوئے بچوں سے زیادتی کی براہ راست ویڈیوز نشر کرنے والے بین الاقوامی ڈارک ویب کے سرغنہ کو گرفتار کرلیا۔

سی پی او راولپنڈی فیصل رانا نے بتایا کہ بچوں سے زیادتی کرکے لائیو ویڈیو چلانے والا انٹرنیشنل ڈارک ویب کا سرغنہ گرفتار کرلیا۔ ایک محنت کش کے بچے سے بدفعلی کی اطلاع پر اس کی گرفتاری عمل میں آئی اور دوران تفتیش ہولناک انکشافات سامنے آئے کہ وہ اس مکروہ کام کا عادی مجرم ہے اور بیرون ملک سزا بھی کاٹ چکا ہے۔

https://twitter.com/RwpPolice/status/1194263213166215175?s=19

سی پی او کے مطابق سہیل ایاز خیبر پختونخوا کے سول سیکرٹریٹ محکمہ منصوبہ بندی کو کنسلٹینسی دے رہا تھا اور کے پی حکومت سے ماہانہ 3 لاکھ روپے تنخواہ لیتا ہے، وہ برطانیہ میں بین الاقوامی شہرت کے حامل فلاحی ادارے میں بھی ملازمت کرچکا ہے۔

فیصل رانا کے مطابق مجرم سہیل پاکستان میں 30 بچوں کو بدفعلی کا نشانہ بنانے کا اعتراف کر چکا ہے، اگر زیادتی کاشکار بچوں کے والدین خوف یا بدنامی کے ڈر سے مقدمے میں مدعی نہ بنے تو پولیس ان وارداتوں کی مدعی بنے گی، مجرم سے بچوں کی برہنہ ویڈیوز اورتصاویر بر آمد کرنے کے لئے ایف آئی اے سے رجوع کیا جا سکتا ہے۔

بچوں سےزیادتی کر کے اسکی لائیوویڈیو چلانے والے عالمی گینگ کاسرغنہ گرفتار،ملزم بچوں کوبدفعلی کانشانہ بنانے کےجرم میں برطانیہ کی جیل سے سزا کاٹ چکا ہے،تھانہ روات کےعلاقہ سے گرفتار ہونے والے انٹرنیشنل ڈارک ویب کے سرغنہ سہیل ایاز عرف علی کو برطانوی حکومت نےاسی جرم میں ڈی پورٹ کیا تھا pic.twitter.com/JvsRnCVLLL

— Rawalpindi Police (@RwpPolice) November 12, 2019

سی پی او فیصل رانا نے بتایا کہ سہیل ایاز عرف علی کو برطانوی حکومت نے ڈی پورٹ کیا تھا اور وہ بچوں کو بدفعلی کا نشانہ بنانے کے جرم میں برطانوی جیل سے سزا کاٹ چکا ہے۔ اس نے برطانیہ میں بچوں کے تحفظ کے ادارے میں ملازمت کی اور وہاں یہ مکروہ دھندہ شروع کیا تھا۔

سی پی او راولپنڈی @faisalranapsp چائلڈ پورنو گرافی کے انٹر نیشنل نیٹ ورک کے سرغنہ سہیل ایاز عرف علی کی گرفتاری کے بارے میں تفصیلات سے آگاہ کرتے ہوئے ۔ @RwpPolice pic.twitter.com/ZH4XEil9rb

— Punjab Police Official (@OfficialDPRPP) November 12, 2019

پولیس حکام کے مطابق مجرم سہیل اٹلی میں بھی بچوں کے ساتھ زیادتی کے مقدمات میں عدالتی مقدمہ بھگت چکا ہے اور اسے اٹلی سے بھی ڈی پورٹ کر دیا گیا تھا، پاکستان واپس آکر اس نے تھانہ روات کے علاقہ میں رہائش اختیار کی جہاں اس نے متعدد بچوں کو زیادتی کا نشانہ بنایا۔ حال ہی میں قہوہ بیچنے والے محنت کش کے بچے سے بدفعلی اور ویڈیو بنانے کے بعد اس کی گرفتاری عمل میں آئی۔

ایس پی صدر راولپنڈی رائے مظہر اقبال نے بتایا کہ ملزم سہیل ایاز چارٹرڈ اکاؤنٹنٹ ہے جو انتہائی ذہین اور ڈارک ویب کو استعمال کرنے کا ماہر ہے، اس کا تعلق اسلام آباد کے علاقے نیلور سے ہے۔

اس کی بیوی 9 سال قبل اس کو چھوڑ کر چلی گئی تھی جبکہ اس کی ان حرکتوں کی وجہ سے اس کے والدین اور بہن بھائی بھی اس سے لاتعلق ہوگئے، تاہم انہوں نے پولیس کو اس قبیح فعل کی اطلاع دینا ضروری نہ سمجھا۔