آبنائے ہرمز سے گزرنے والے بحری جہاز پر نامعلوم چیز سے حملہ

تہران (ڈیلی اردو) برطانوی میری ٹائم ٹریڈ آپریشنز (یو کے ایم ٹی او) کے مطابق آبنائے ہرمز سے گزرنے والے ایک بحری جہاز کو نامعلوم نوعیت کے ایک موقذوف سے نشانہ بنایا گیا ہے، تاہم واقعے میں جہاز کے عملے اور مالی نقصان سے متعلق فوری طور پر کوئی واضح معلومات سامنے نہیں آسکیں۔

یو کے ایم ٹی او نے اتوار کی صبح جاری اطلاع میں بتایا کہ واقعہ آبنائے ہرمز کے عمانی بحری راستے میں پیش آیا، جہاں جہاز کو نامعلوم چیز سے نقصان پہنچا۔ واقعے کی مزید تفصیلات اور حملے میں استعمال ہونے والے موقذوف کی نوعیت معلوم نہیں ہوسکی۔

حکام کے مطابق متاثرہ بحری جہاز کی ملکیت، نوعیت اور اس پر لدی ہوئی اشیا کے بارے میں بھی تاحال معلومات دستیاب نہیں ہیں۔ اسی طرح یہ بھی واضح نہیں ہوسکا کہ جہاز کو نشانہ بنانے کے پیچھے کون سا فریق ملوث ہے۔

رپورٹ کے مطابق واقعے کے بعد آبنائے ہرمز میں بحری آمدورفت کی سلامتی سے متعلق خدشات مزید بڑھ گئے ہیں۔ یہ آبی گزرگاہ عالمی سطح پر تیل، مائع قدرتی گیس اور دیگر اہم اشیا کی ترسیل کے لیے انتہائی اہم سمجھی جاتی ہے۔

حکام نے واقعے کے ممکنہ جانی، مالی اور ماحولیاتی نقصانات سے متعلق بھی فی الحال کوئی تفصیلی معلومات جاری نہیں کیں۔ واقعے کی نوعیت اور ذمہ دار فریق کا تعین کرنے کے لیے مزید معلومات کا انتظار ہے۔