آج کے دن پاکستان نے خطے میں طاقت کا توازن بحال کیا، میجر جنرل بابر افتخار

راولپنڈی (ڈیلی اردو) پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے یوم تکبیر پر کہا کہ 23 سال قبل آج کے دن پاکستان نے خطے میں طاقت کا توازن بحال کیا۔

تفصیلات کے مطابق یوم تکبیر کے موقع پر ڈی جی آئی ایس پی آر میجر جنرل بابر افتخار نے ٹوئٹ میں کہا کہ پاکستان نے 23 سال قبل آج کے دن اپنی جوہری طاقت کا مظاہرہ کیا، مسلح افواج اور قوم خواب کی تکمیل میں حصہ لینے والے تمام افراد کو خراج تحسین پیش کرتی ہے۔

23 years ago on this day, Pakistan restored balance of power in the region by successfully establishing credible minimum nuclear deterrence. AFs and the nation pays tribute to all those involved in making this dream come true. #YoumeTakbeer

— DG ISPR (@OfficialDGISPR) May 28, 2021

ڈی جی آئی ایس پی آر نے کہا کہ آج کے دن پاکستان نے خطے میں طاقت کا توازن بحال کیا۔ پاکستان نے کم از کم قابل اعتماد ایٹمی ڈیٹرنس برقرار رکھتے ہوئے طاقت کا توازن قائم کیا۔

واضح رہے کہ 28 مئی 1998 قومی تاریخ کا ایک عظیم دن ہے، آج سے 23 برس پہلے پاکستان دنیا کی ذمہ دار جوہری قوت کے طور پر سامنے آیا۔ تئیس برس قبل ایٹمی دھماکوں کے بعد پاکستان نے مسلم دنیا کی پہلی اور دنیا کی ساتویں ایٹمی طاقت بننے کا اعزاز حاصل کیا، ایٹمی دھماکے اس لیے کیے گئے کہ گیارہ مئی انیس سو اٹھانوے کو پوکھران میں تین بم دھماکے کرکے بھارت نے خطے کی سلامتی کو خطرے میں ڈال دیا تھا۔