احمد شاہ سادات: افغانستان کے سابق وزیر جرمنی میں پیزا ڈیلیوری بوائے بن گئے

برلن (ڈیلی اردو) افغانستان کے سابق وزیر مواصلات سید احمد شاہ سادات جرمنی میں پیزا ڈیلیوری کی ملازمت کررہے ہیں۔

Ich recherchierte die Story nach, las afghanische Zeitungen, sprach mit anderen Afghanen. Sie stimmte. Gestern nahm er sich zwei Stunden vor seiner Schicht Zeit, um mir zu erzählen wie es dazu kommen konnte. Der Fall des Sayed Ahmad Shah Sadaat für @LVZ ???? https://t.co/VEfH6rv1E2 pic.twitter.com/ATwnt5bWGa

— Josa Mania-Schlegel (@JosaMania) August 21, 2021

گزشتہ چند روز سے سوشل میڈیا پر ان کی کچھ تصاویر گررش کررہی جن میں انہیں سائیکل پر بیٹھے دیکھا جا سکتا ہے۔

Vor ein paar Tagen lernte ich einen Mann kennen, der behauptete, vor zwei Jahren afghanischer Kommunikationsminister gewesen zu sein. Ich fragte, was er in #Leipzig mache. „Ich fahre für Lieferando Essen aus.“ pic.twitter.com/nafutTTXqP

— Josa Mania-Schlegel (@JosaMania) August 21, 2021

سید احمد شاہ سادات کی تصاویر اس وقت وائرل ہوئیں جب جرمنی کے شہر لائپزش کے مقامی رپورٹر نے انہیں ٹوئٹر پر شیئر کیا۔

جرمن صحافی جوزا مانیا کے مطابق سابق افغان وزیر جرمنی کی مشرقی ریاست سیکسونیا کے شہر لائپزش میں پیزا ڈیلیوری کا کام کرتے ہیں۔

لائپزش پیپلز ڈیلی کی رپورٹ کے مطابق سابق افغان وزیر احمد شاہ سادات گزشتہ برس 2020 سے جرمنی میں مقیم ہیں۔

احمد شاہ سادات نے 2018 میں افغان صدر اشرف غنی کی حکومت میں کابینہ کے وزیر کی حیثیت سے شمولیت اختیار کی تھی۔

تاہم دو سال تک خدمات انجام دینے کے بعد انہوں نے استعفیٰ دے دیا تھا اور گزشتہ دسمبر میں جرمنی چلے گئے تھے۔

برطانوی اخبار دی انڈپینڈنٹ کی رپورٹ میں اسکائی نیوز کا حوالہ دیتے ہوئے کہا گیا کہ سابق افغان وزیر نے فوڈ ڈیلیوری کمپنی لیورینڈو کے ڈیلیوری ایگزیکٹو کے طور پر کام کرنا اس وقت شروع کیا جب ان کے پاس موجود رقم ختم ہوگئی تھی۔

احمد شاہ سادات نے کہا کہ ان کی کہانی ‘ایشیا اور عرب دنیا کے اعلیٰ سطحی افراد کے طرزِ زندگی میں بدلاؤ کا ایک محرک بننی چاہیے’۔

سابق افغان وزیر کی تصاویر سوشل میڈیا پر وائرل ہوئیں جب امریکا کے انخلا کے اعلان کے بعد طالبان نے افغانستان کا کنٹرول سنبھال لیا ہے اور اب وہاں ایک انسانی بحران جاری ہے۔

افغانستان کی صورتحال پر ردعمل دیتے ہوئے کہا کہ انہوں نے کبھی نہیں سوچا تھا کہ شہری حکومت اتنی تیزی سے گر جائے گی۔

احمد شاہ سادات نےآکسفورڈ یونیورسٹی سے کمیونیکیشن اور الیکٹرانک انجینئرنگ میں 2 ماسٹرز ڈگریاں حاصل کر رکھی ہیں۔

23 سالوں پر محیط کیریئر کے ساتھ، احمد شاہ سادات نے سعودی عرب سمیت 13 ممالک میں 20 کمپنیوں کے ساتھ کام کیا۔

افغانستان کے وزیر مواصلات بننے سے قبل انہوں نے 2005 سے 2013 تک افغانستان کی مواصلات اور انفارمیشن ٹیکنالوجی کی وزارت کے تکنیکی مشیر کی حیثیت سے خدمات سرانجام دیں۔

وہ 2016 سے 2017 تک لندن میں آریانا ٹیلی کام کے چیف ایگزیکٹو آفیسر بھی رہے۔