اسلام آباد سے تحریک طالبان پاکستان کے 4 دہشت گرد گرفتار، بارودی مواد برآمد

اسلام آباد (ڈیلی اردو) کاؤنٹر ٹیررازم ڈیپارٹمنٹ ( سی ٹی ڈی ) اور حساس اداروں نے پاکستان کے وفاقی دارالحکومت اسلام آباد کو بڑی تباہی سے بچالیا اور کارروائی کے دوران سیاسی جلسے پر دہشت گردی کامنصوبہ بنانے والے 4 دہشت گردوں کو گرفتار کرلیا۔

تفصیلات کے مطابق اسلام آباد بڑی تباہی سے بچ گیا، سی ٹی ڈی اور حساس اداروں نے مشترکہ کارروائی کی اور کارروائی کے دوران 4 دہشت گردوں کو گرفتار کرلیا جبکہ ایک فرار ہوگیا۔

I feared this would happen.

Pakistani security forces have reportedly arrested 4 TTP militants from Islamabad along with explosive material. Another source tells me one militant managed to escape. They were plotting attacks on political gatherings in Islamabad. #Pakistan https://t.co/lApXyYcvLc

— FJ (@Natsecjeff) March 29, 2022

سی ٹی ڈی حکام کا کہنا تھا کہ دہشت گردوں نے سیاسی جلسے پر دہشت گردی کا منصوبہ بنا رکھا تھا، دہشت گردوں کا تعلق کالعدم تنظیم تحریک طالبان پاکستان (ٹی ٹی پی) سوات گروپ سے ہے۔ گرفتار ملزمان کی شناخت محسن علی، محمد اسماعیل، غفران خان اور محمد شہزاد کے ناموں سے ہوئی ہے

حکام نے مزید بتایا کہ دہشت گردوں سے 5 کلو دھماکا خیز مواد، بارودی مواد، بال بیرنگ اور ڈیٹونیٹرز بھی برآمد ہوئے ہیں۔ دہشت گردوں نے افغانستان سے ٹریننگ حاصل کی ہے۔

The militants arrested by Pakistani security in Islamabad had received training in Afghanistan. https://t.co/qReKK2Og72

— FJ (@Natsecjeff) March 29, 2022

گرفتار دہشت گردوں کو مزید تحقیقات کے لیے نامعلوم مقام پر منتقل کردیا گیا ہے۔

پاکستان مونومنٹ جنگل ایریا شکرپڑیاں سے گرفتار کئے گئے 4 دہشت گردوں کے خلاف مقدمہ درج کرلیا گیا ہے، مقدمہ دہشتگردی کی دفعات کے تحت تھانہ سی ٹی ڈی اسلام آباد میں درج کیا گیا۔

یاد رہے خیبر پختوںخوا کے ضلع لکی مروت میں تھانہ درہ پیزو کی حدود شیری خیل کے قریب خفیہ اطلاع پر پولیس اور سیکیورٹی فورسز کے مشترکہ سرچ آپریشن میں کالعدم تنظیم تحریک طالبان پاکستان کے چار دہشت گرد مارے گئے جبکہ ایک دہشت گرد سید زمان زخمی ہوگیا، جس کی گرفتاری کیلئے سرچ آپریشن جاری ہے۔