اسلام آباد میں واقع اٹلی کے سفارتخانے سے شنجین ویزہ اسٹیکرز چوری ہونے کا انکشاف

اسلام آباد (نمائندہ ڈیلی اردو) اسلام آباد کے ڈپلومیٹک انکلیو میں واقع اٹلی کے سفارت خانے سے ایک ہزار شنجن ویزا سٹیکرز کی چوری ہوگئے ہیں۔

اطالوی سفارت خانے میں چوری کے حوالے سے وزارت خارجہ نے ایف آئی اے اور وزارت داخلہ کو تحقیقات کے لئے خط لکھ دیا ہے۔

وزارت خارجہ نے چوری ہونے والے اٹلی کے ویزا اسٹیکرز کے سیریل نمبرز ITA041913251 تا ITA041914000 ہیں جبکہ 250 ویزا اسٹکرز کا سیریل نمبر ITA041915751 تا ITA041916000 کے بارے میں وزارت داخلہ کو آگاہ کر دیا ہے۔

خط کے متن کے مطابق اطالوی سفارتخانے کے لاکر سے ایک ہزار ویزا سٹیکرز چوری ہوئے، اطالوی سفارتخانہ معاملے کی خود بھی تحقیقات کر رہا ہے۔

وزارت خارجہ کا خط میں مزہد کہنا تھا کہ وزارت داخلہ متعلقہ ویزا نمبرز والے اسٹیکرز کو داخلی اور خارجی پوائنٹس پر چیک کرے۔

مراسلے میں چوری شدہ ویزہ سٹیکرز پر سفر کرنے والوں کو حراست میں لینے کی ہدایت دی گئی ہے ۔

یاد رہے کہ ’شنجین ویزہ ‘ ایسا ویزا ہے جس کے ذریعے کوئی بھی شخص 26 یورپی ممالک میں بلا روک ٹوک جا سکتا ہے اور 90 روز میں کسی بھی ملک سے واپس آ سکتا ہے ۔