افغانستان میں رواں سال جنوری سے ستمبر تک 2 ہزار 563 شہری شہید ہوئے: اقوام متحدہ

نیو یارک (ڈیلی اردو/نیوز ایجنسی) اقوام متحدہ کا کہنا ہے کہ افغانستان میں رواں برس جنوری سے ستمبر کے دوران مختلف واقعات میں 2 ہزار 563 شہری شہید ہوئے۔

غیر ملکی ذرائع ابلاغ کی رپورٹ کے مطابق اقوام متحدہ کے ذیلی ادارے (یو این اے ایم اے) کی جانب سے جاری اعداد و شمار میں ہولناک انکشافات کیے گئے ہیں۔

رواں برس جنوری سے ستمبر کے دوران مختلف واقعات میں 2 ہزار 563 شہری شہید ہوئے جن میں 261 خواتین اور 631 بچے شامل ہیں۔ یہ 2014 کے بعد 9 ماہ میں شہادتوں کی سب سے بڑی تعداد ہے۔

اقوام متحدہ کے معاون مشن برائے افغانستان (یو این اے ایم اے) کی رپورٹ میں مزید کہا گیا ہے کہ رواں برس کے 9 ماہ کے دوران دہشت گردی اور جھڑپوں کے واقعات میں 5 ہزار 676 افراد زخمی ہوئے جن میں 662 خواتین اور 18 سو 36 بچے شامل ہیں۔