افغانستان میں سیکیورٹی فورسز کے آپریشن میں 235 طالبان ہلاک، 161 زخمی

کابل (بیورو رپورٹ) افغانستان میں طالبان اور افغان سیکیورٹی فورسز کے درمیان جھڑپوں میں گزشتہ 24 گھنٹوں کے دوران 235 طالبان ہلاک ہوئے ہیں۔

جھڑپوں کی وجہ سے کابل میں مسلسل پانچویں روز بجلی کی فراہمی منقطع رہی۔

طالبان دہشت گردوں نے تاجکستان سے آنے والی بجلی کی ٹرانسمیشن لائن کو گزشتہ ہفتے تباہ کیا تھا۔

افغان وزارتِ دفاع کے مطابق جھڑپوں میں 24 گھنٹوں کے دوران 235 سے زائد طالبان مارے گئے۔

https://twitter.com/MoDAfghanistan/status/1409748022012125185?s=19

افغانستان کی پاور سپلائی یوٹیلیٹی کے ترجمان محمد ہاشم نے ترک خبر ایجنسی کو بتایا ہے کہ طالبان دہشت گردوں نے گزشتہ ہفتے 2 پاور ٹرانسمیشن ٹاورز کو تباہ کر دیا تھا جن کی بعد میں مرمت کر دی گئی تھی۔

محمد ہاشم کے مطابق حکومت صوبے بغلان میں لڑائی کی وجہ سے بجلی کی ترسیل کی کیبلز کو جوڑنے اور بجلی کی فراہمی دوبارہ شروع کرنے میں ناکام رہی ہے۔

افغان وزارتِ دفاع نے کہا ہے کہ 24 گھنٹوں کے دوران کابل سمیت مختلف صوبوں میں آپریشن کے دوران 234 طالبان ہلاک جبکہ 161 زخمی ہوئے ہیں۔