امریکا کے ساتھ جوہری پروگرام پر کوئی مذاکرات نہیں کیے جائیں گے: ایرانی سپریم لیڈر

تہران (ڈیلی اردو) ایران کے سپریم لیڈر علی خامنہ ای نے کہا ہے کہ امریکا کے ساتھ ملک کے جوہری اور میزائل پروگرام پر کوئی مذاکرات نہیں کیے جائیں گے۔

ایران کے سپریم لیڈرآیت اللہ علی خامنہ ای نے ویب سائٹ پرجاری اپنے بیان میں واضح کیا ہے کہ ایران یہ پہلے بھی کہہ چکا ہے کہ امریکا سے مذاکرات نہیں کئے جائیں گے کیونکہ پہلے بھی مذاکرات کا کوئی فائدہ نہیں ہوابلکہ الٹا نقصان ہوا، ہم انقلاب کی بنیادی اقدارپر کوئی بات چیت نہیں کریں گے اورہم اپنی فوجی صلاحیتوں پر بھی کوئی سمجھوتہ نہیں کرسکتے۔

Our scientific and technological capabilities in nuclear science are at high levels & we don’t seek nukes either. Not because of U.S. but because religiously we consider it prohibited.

— Khamenei.ir (@khamenei_ir) May 29, 2019

ایران کا یہ بیان امریکی صدرڈونلڈ ٹرمپ کے اس بیان کے بعد سامنے آیا ہے جس میں انہوں نے کہا تھا کہ ایران کے ساتھ اس کے جوہری پروگرام پر معاہدے کا امکان موجود ہے۔

اس سے پہلے ایرانی صدرحسن روحانی نے اس بات کا اشارہ دیا تھا کہ اگر امریکا ایران پرعائد پابندیاں ختم کردے تواس کے ساتھ بات چیت ممکن ہے