امریکی ریاست کولاراڈو میں فائرنگ سے پولیس افسر سمیت 10 افراد ہلاک

واشنگٹن (ڈیلی اردو) امریکی ریاست کولاراڈو میں فائرنگ سے پولیس افسر سمیت 10 افراد ہلاک ہوگئے۔

نیو یارک ٹائمز کے مطابق ریاست کولاراڈو کے شہر باؤلڈر میں مسلح شخص نے ایک سپرمارکیٹ میں فائرنگ کی جس کے نتیجے میں اب تک ایک پولیس افسر سمیت 10 افراد کی ہلاکت کی تصدیق ہوچکی ہے۔

A gunman killed 10 people at a grocery store in Boulder, Colorado, on Monday. Witnesses recounted moments of terror.

Alex Arellano was working at the supermarket, King Soopers, in the meat department when he heard gunshots. https://t.co/mFbQZbPmgL pic.twitter.com/B00lHxD2qO

— The New York Times (@nytimes) March 23, 2021

میڈیا رپورٹس کے مطابق واقعہ مقامی وقت کے مطابق سہ پہر 3 بجے پیش آیا جب شہر کے مشرقی علاقے میں واقعے کنگ سپر مارکیٹ میں مسلح شخص نے اندھا دھند فائرنگ کی۔

میڈیا رپورٹس میں بتایا گیا ہے کہ واقعے کے بعد پولیس نے ایک مشتبہ شخص کو حراست میں لیا ہے تاہم اس سے متعلق تفصیلات جاری نہیں کی گئی ہیں اور پولیس حکام کا کہنا ہے کہ مشتبہ شخص اور واقعے سے متعلق ایک نیوز کانفرنس میں تفصیلات بتائی جائیں گی۔

Eric Talley's dad told #9NEWS tonight that he had seven kids. He also said that Eric was working toward becoming a drone operator because he thought it was safer.

Boulder Police Dept. Officer Eric Talley died today in the King Soopers shooting. He was one of 10 killed. pic.twitter.com/6WHSyXYBbT

— Erin Powell (@erinepowell) March 23, 2021

سکیورٹی حکام کا کہنا ہے کہ زیر حراست شخص زخمی حالت میں ہے اور اسے طبی امداد دی جارہی ہے جب کہ علاقے کو پوری طرح سے کلیئر کردیا گیا ہے۔

شہری انتظامیہ کا کہنا ہےکہ واقعے کے بعد سکیورٹی حکام نے تحقیقات شروع کردی ہیں اور عینی شاہدین کے بیانات بھی قلمبند کیے گئے ہیں جس سے اب تک یہ بات واضح نہیں ہوسکی ہے کہ مسلح شخص کی فائرنگ کا مقصد کیا تھا۔

حکام کے مطابق واقعے میں ہلاک ہونے والوں کی شناخت کا عمل جاری ہے اور اب تک ان کے نام جاری نہیں کیے جاسکے ہیں۔

واضح رہے کہ گزشتہ ہفتے بھی امریکی شہر اٹلانٹا میں فائرنگ کا واقعہ پیش آیا تھا جس کے نتیجے میں 8 افراد ہلاک ہوئے تھے۔