امریکی صدر ٹرمپ کا ایران کو افزودہ یورینیم حوالے کرنے کا الٹی میٹم

واشنگٹن (ڈیلی اردو) امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا ہے کہ ایران میں موجود افزودہ یورینیم یا تو فوری طور پر امریکہ کے حوالے کیا جائے تاکہ اسے وہاں منتقل کر کے تباہ کیا جا سکے، یا پھر ایران کے ساتھ مل کر اسے وہیں کسی قابلِ قبول مقام پر تلف کیا جائے گا۔

ٹرمپ نے کہا کہ اس عمل کی نگرانی جوہری توانائی کمیشن یا اس جیسے کسی بین الاقوامی ادارے کی جانب سے کی جائے گی۔

صدر ٹرمپ نے ٹروتھ سوشل پر ایک اور پوسٹ میں دو خاکے بھی شیئر کیے۔ ایک تصویر میں نقدی کے ڈھیر کے ساتھ “اوباما کی ایران پالیسی” لکھا گیا، جبکہ دوسری تصویر میں امریکی بحری جنگی جہاز کو بمباری کرتے دکھایا گیا، جس پر “ٹرمپ کی ایران پالیسی” درج تھا۔

یہ بیانات ایسے وقت میں سامنے آئے ہیں جب امریکی فوج نے جنوبی ایران میں نئے حملے کیے ہیں، جن میں ایرانی ڈرون تنصیبات اور دیگر اہداف کو نشانہ بنانے کا دعویٰ کیا گیا ہے۔