ایتھوپین ایئرلائن کا مسافر طیارہ بوئنگ 737 نیروبی میں گر کر تباہ، 157 افراد سوار تھے

نیروبی (ڈیلی اردو) ایتھوپین ایئر لائن کا طیارہ بوئنگ 737 کینیا جاتے ہوئے گر کر تباہ ہوگیا، متاثرہ طیارے میں 149 سے زائد افراد سوار تھے، جن کی تلاش جاری ہے۔

تفصیلات کے مطابق ایتھوپیا کے دارالحکومت اددیس آبابا کے ہوائی اڈے سے اڑان بھرنے والا ایتھوپین ایئر لائن کا مسافر بردار طیارہ نامعلوم وجوہات کے باعث ہوائی اڈے سے اڑان بھرنے کے کچھ دیر بعد اچانک ایتھوپین ٹاؤن بِس ہوفتو میں گر کر تباہ ہوگیا۔

غیر ملکی خبر رساں ادارے کا کہنا تھا کہ ایتھوپین ایئر لائن کا مسافر بردار طیارہ ’ای ٹی 302‘ 149 مسافروں عملے کے آٹھ افراد کو دارالحکومت سے کینیا کے دارالحکومت نیروبی لے جار ہا تھا۔

ایتھوپین حکومت کے ترجمان کا کہنا ہے کہ حادثہ صبح 8 بج کر 44 منٹ پر پیش آیا تھا، ریسکیو سرگرمیاں جاری ہیں اور ریسکیو ٹیمیں حادثے کا شکار ہونے والے مسافروں کو تلاش کررہا ہے۔

غیر ملکی خبر رساں ادارے کا کہنا ہے کہ تاحال حکومت اور ایئرلائن کی جانب سے حادثے میں ہلاک اور زخمی ہونے والے افراد کی تعداد نہیں بتائی گئی ہے۔

ترجمان ایتھوپین ایئرلائن کا کہنا ہے کہ ایئرلائن انتظامیہ نے اپنا عملہ جائے حادثہ پر روانہ کررہا ہے، ریسکیو آپریشن کے لیے پر ممکن اقدامات کیے جائیں گے۔

The Office of the PM, on behalf of the Government and people of Ethiopia, would like to express it’s deepest condolences to the families of those that have lost their loved ones on Ethiopian Airlines Boeing 737 on regular scheduled flight to Nairobi, Kenya this morning.

— Office of the Prime Minister – Ethiopia (@PMEthiopia) March 10, 2019

ایتھوپیا کے وزیر اعظم ابھی احمد نے سماجی احمد نے سماجی رابطے کی ویب سائٹ پر ٹویٹ کیا کہ ’حادثے کا شکار ہونے افراد کے اہلخانہ کے دکھ میں برابر کے شریک ہیں جنہوں نے اپنے پیاروں کو کھویا ہے‘۔